حبيبه والسهر دفتر عليه أحاول اعجابك

لو إنه ماوصل يكفي سرق لي من طرف عينك

سبقت الخطوه اللي جابت المنوه على بابك

رسمت الدرب يوم القلب طاح بسطوة يدينك

لك الله كن مالي فيك غير أموت وأحيابك

وكني ماخلقت إلا أسير يطالب ب دينك

وحبي لو بترجم لك فلا أظن الحكي جابك

ولو باوصف يموت الوصف مايلحق بعض زينك

وأنا ماجيت لأجل أنثر أماني تحرق أعصابك

ولا ودي تغيضيني ,, بصدة خوف لا أدينك

تثور بداخلي صورة إذا داهمني غيابك

أحاول كيف أحاول والهوى يرجيك ويعينك

يثور بداخلي معنى إذا جاملني عتابك

أحس أظافر اللعنه ,, تسولف عن سكاكينك

وأشوف الظلم يقصيني لعالم خارج أهدابك

وأشوف الحلم ما عنه طوته أسطورة سنينك

أنا ذاك الطموح اللي قبل صوتي وصل بابك

وأنا وجه الأمل ياللي تقولي للأمل وينك

أنا لو ما أكون الحلم وآخر وأول أحبابك

أمانة لا اسألوا قولي ضحية من مجانينك