سهرت مسامرٍ طيفك وراه بكل خطوه يسير

أدوّر لك على ضو المشاعر وسط خفاقي

لقيتك ساكن بقلبٍ عطاه الحب والتقدير

غمرته في حنانك واندمج حبك بالاعماقي

الا يامصدر الهامي ترى منك الجفاء مايصير

بشوفك تكمل الفرحة وإلى غبت الصدر ضاقي

أحبك فوق ماتصور وإلى شفتك نسيت الغير

حقيقة حبك الطاهر على كل البشر فاقي

عن الحب أعجز أوصفك يخون الشعر والتعبير

لو أكتب ربع ماقلته تضيق بشعري أوراقي

مادام الحب متبادل بجد بخطوتي وأسير

لآخر خطوة تجمعنا بابث بدربك أشواقي