خلوني أنسى جرح الايام تكفون

ذكر المواجع هيجت دمعة العين

ابروق صيف صادفت ليلة شجون

حلم بعيد وحيرة بين نارين

بالله تترك سر الاحزان مكنون

بعض النشايد توجع القلب يا حسين

سر المحبة بين الاضلاع مصيون

مهما جرحني صمت الاحزان والبين

نظرات يأسي والفت ظلمة الكون

حتى تساوى عسر الايام واللين

كل الطريق بوحشة الخوف مسكون

من وين تشرق شمس الآمال من وين

يا ما فجعنا رمح الاقدار بطعون

وياما وقفنا حول الاطلال ضامين

نشكي نصيب بأسود الهم مقرون

مال السعادة في حياتي عناوين

كانك تبي لي راحة البال والعون

إياك تلمس جرح الاحساس يا حسين