أجرحك والا امدحك كله سوى
ما تحس وميتٍ فيك الشعور
شايف نفسك علينا في الهوى
يا حبيبي ناسي الدنيا تدور
كلما ناديت من حال النوى
التفت وقلت لي خل الغرور
شفتني بعيون قاسي ما نوى
يرحم عيون بها شرهة غيور
كن قلبك حارب الحب وهوى
حب تعذيب البشر في كل دور
ايه قلبي في عذابك ما قوى
شف دموعي نابت منها زهور
السحاب الي نشرته ما روى
ارض احاسيسي من اللهفات بور
امنياتي في العمر تبقى سوى
ما دريت ان الزمن مثلك يدور
