الله يسهر عيون اللي مسهرني
اللي عذابي ولوعاتي من اسبابه
ما يدري انه شغل بالي وحيرني
وسريت اداوي جروح القلب واتعابه
المرهف اللي ثلاث سنين قاهرني
حتى الخبر روح المرسول ما جابه
لا من ذكرته احس انه مبعثرني
قمت اجمع شتات حزني واتلوابه
مدري وشلي على بعده يصبرني
معذور قلبي شكى من فرقة احبابه
حبل الوصل لنقطع بي حي يقبرني
واحس من بعده العالم غدا غابه
واحس فيه القصايد دوم تسحرني
الفت اله دفتر مليان بكتابه
اهم مظمونها عشق مدمرني
وهموم قد البحر وجروح مرتابه
لاكن على اي حال ان كان سهرني
وابعد وشد الرحال وقفت ركابه
يكفيني الدفتر بحبه يذكرني
ويصبر القلب في جفواه وغيابه
