يا عنود الصيد يا ريم الفلا
يا نظر عيني حنانك سلوتي
إرحم الولهان هايم مبتلا
أنتِ ما غيرك تسيد دنيتي
مالكٍ قلبي بحسنك والغلا
يشبد الخافق وصادق دمعتي
في غيابك فاح بي شوق وغلا
أطرد الذكرى وتاهت خطوتي
لو أطالع في الحسان من الملا
أنتِ نوري وإبتسامة فرحتي
يوم دخلتي دنيتي وقتي حلا
ومن تركتيني تزايد عبرتي
لا لمحتك قالت الدنيا هلا
يا عسى الله ما يخيب هقوتي
كل ما أشوفك مقامك بي علا
أنتِ جرحي في القصيد وغنوتي
معك كل الهم عن قلبي جلا
والله إنك في العذارى منوتي
دوك عمري دام قلبي ما سلا
يا أحلى عيون شفتها بدنيتي