يا ناس من مثلي تولع بخلّه

يا ناس من مثلي لخله يداري

طفق العيون اللي رموشه مظلّه

شبيه من يفدع بجول الحباري

والياتوادعنا دموعه يهله

وان شفت دمعه قلت لا وادماري

أنا أشهد إنه فل قلبي وتلة

حتى غدا قلبي على التل ضاري

لا واهني من ياصله في محلّه

داره ربيع ودار غيره صحاري

روحي وعيني حبته ما تمله

ليا غاب عن عيني طرت لي طواري

ياهيه ياللي شال سيفه وسلة

رده لغمده ما لفعلك مواري

ترخص ليا زليّت زلة وزله

وبعض الزلل ردّة بضرب الشباري