ألا ياللي تطرونه تراه إن كان ما تدرون
يبادلني غرام يعلم الخلاق وشلونه
حبيبي لا يهمونك ولو ياكثر ما يحكون
عزاي انك تحس بلهفة المشتاق وظنونه
حبيبي والغرام اللي يجمعنا شجر وغصون
ولا يمكن خفافيش الوشاة تحرك غصونه
تمكن بي غرامك والهوى ياصاحبي مسنون
وألا ياسرع ما هلت غيوم الحب ومزونه
أنا لحظة عرفتك والفرح والخير عم الكون
أنا وشلون أباحزن والحزن ضحتك من دونه؟!
عشقتك يا صغير يانحيل الخصر يامزيون
عشقتك لعنبو حيك غلاك الموت بعيونه
سحرني طيبك وعطفك سلب عقلي هدب وعيون
شفايفك وخدودك والشعر لاهانت متونه
وأنا وإن جيت أبأكتب لك عن اللي داخلي مصيون
تعبت أوصف غرامك والغلا والحب والمونه
حبيبي لا يهمونك ولو ياكثر ما يحكون
تراك إنت الوحيد اللي بنى في داخلي كونه
تفضل يابعد عمري تفضل قلبي المجنون
بحبك يانظر عيني وعشر أبيات موزونه
