يازماني كل ما اقول طابن الجروح

هبت بخافي فوادي كما هب الرياح

ضاقت الدنيا بوجهي ولا ادري وين اروح

يا وجودي كني الطير مكسور الجناح

قلت ببكي واتوجد وازيد النوح نوح

ميرعيا لا يفيد التوجد والنياح

من عذابي كيف ابدله وانا دمي يفوح

وكيف ابسلي من همومي وقلبي ما استراح

من هوى اللي ما وقف دونها حد الطموح

املكتني غصب من غير حرب ولا سلاح

عيطموس حبها في سماء قلبي يلوح

ربعة ما بين الاضلاع لين السد باح

فالبدايه تستلذ السوالف والمزوح

وآخر المعنى تقول انح ما لي بك صلاح

غرها صبري على الضيم يوم اني سموح

وتحسب ان قتل المحبين فالدنيا مباح