* منيرة الحمد صوت شعري نسائي مميز,, لها تاريخ طويل مع الابداع,, ولها حضورها المبهج في كل مجالات خدمة الادب الشعبي النسائي تشاركنا في هذا العدد بآخر ما كتبته:

يا صاحبي,,, لي شرهة,, يا كبرها مني عليك يا كيف ترخص بي وانا عنك الهموم اشيلها اضحك معك وابكي معك ما غيري احدٍ لك شريك واسايرك,, واسرار قلبك في يدي دليلها واساهرك واسري معك,, واللي تبي مني يجيك واعايش اوجاعك معك,, لو كان طوَّل ليلها واللي تحبه لي حبيب,, أجود له دامه يبيك وآخذ معي مشاعره,, واجيب لك جميلها واللي يحبك,, لابتعد,, فيني يشوفك يلتقيك وانوب عنك بغيبتك,, كثيرها وقليلها يا كيف انا تبيعني؟! يا الله حسيب لي عليك أنا الشعر,, وانت المشاعر بيَّنت ذليلها