لا لا تحاول طابت النفس ما أبغاك

ذكراك لوهي دنيتي ما اشتهيها

يومك حبيبي عفت ذولا,, وذولاك

واليوم والله شوفتك ما أبتغيها

وش كثر أجامل وادمح لك خطاياك

واغفر لك الزله وأنا ما أبيها

بالأسف وشلون قلبي ترجاك

بعت المودة, يوم أنا مشتريها

يا فاقد الاحساس مانيب وياك

ياللي الخديعة داخلك محتويها

ابعد بعيد وشيل حبك وذكراك

النفس طابت منك لا ترتجيها

ما عاد احبك واتشفَّق للاماك

وذكرى الليالي السود ما نحتريها

اللوعة اللي ذقتها من سواياك

لازم تحس بنارها وتكتويها

لا لا توسط من هذولا وهذولاك

ما عاد أعود وعرفتك ما أبيها