قالوا علامك قلت مدري علامي

قالوا تهوجس قلت في بعض الأحوال

متكدر ياناس خلّو ملامي

وخلّوني اذرف دمعي اليوم همّال

قالوا تحب وقلت قصر الكلامي

طبيّت أنا بالحب والحب قتّال

حبيّت من هي شبه بدر التمامي

وحطيّت في قلبي لها قدر واجلال

ثم فارقتني دون هجر وخصامي

وخلّتني ابقى في تعاذيب واهوال

من يوم راحت ما هنيت المنامي

ولا فارقتني بعدها ضيقة البال

هذا سواة الحب بأهل الغرامي

معروف فعله من قديمات الأجيال