لايابعد عمري انا وانت من طين
والموت يكفي عن دمار وخرابي
في ما مضى اخفيت ما بي من البين
واليوم بانت علتي مع صوابي
حطيتني للناس ما بين (قوسين)
وكل درى عني وكل حكابي
واسقيتني يازين كاس الامرين
وغديتبي يوم حبك غدابي
وخليتني الآن ما بين جرحين
جرح قديم وجرح توه بدابي
ولافادني باكر ولا اريد بعدين
عندي سؤال؟ وهات رد الجوابي
اما تجي معي على العسر واللين
والا اروح وفكني وش تبابي,!
يا ما سهرت ايام وشهور وسنين
وعانيت من حب سواة السرابي
ويا ما مشيت بساقتك يا اريش العين
وراحت حياتي في ذهاب وايابي
لالاتجي وروح لا بعد من الصين
وتبقى الكرامة بين ضرسي ونابي
هي مكسبي هي الذهب والملايين
وان بعتها فانا (وضيع) وهابي
