قلبي اسير الحب والهم طاويه
في رمش عينه ناعس الطرف صاده
السهر طوال الليل ما نسيت ناسيه
فيه الفكر مشغول يرجي وداده
من طول بالنيب سهر الليل وابكيه
صار السهر عندي مع الوقت عاده
قلبي عليل ونظرة منك تشفيه
للموت حبل ما هوى البال قاده
قلبي عليل بالله اليوم تبريه
احتار في طبه حكيم العياده
يا مر وينهي نور عيني ولا اعصيه
سكن بقلبي فوق عرش السياده
اسأل عن اخباره واتابع خطاويه
اخاف من فرقاه واخشى ابتعاده
انا اشهد ان القلب بالحيل يغليه
مالي على فرقاه صبر وجلاده
افز من نومي الى مر طاريه
والدمع يفرق وجنتي والوسادة
وقت مضى شفت القهر والنكد فيه
والليل خيم في حياتي سواده
ليته يعلمني سره وخافيه
ليته يصارحني بما في فؤاده
دقات قلبي كل لحظة تناديه
لكن حبيب الروح طول عناده
