كما سعدنا بعودة عدد من الاسماء الشعرية المعروفة,, نحن اليوم اكثر سعادة لان العائد الينا شاعر كبير له اسهامات رائعة في مختلف اغراض الشعر انه سمو الامير خالد بن سعود الكبير الذي خص (الجزيرة) بهذه القصيدة:

تودعها وداع اللي ركز صدره على شلفاه وحس الروح في جوفه تشبث بين ضلعيني نزعها في يده واونس لظاها في جميع اعضاه تلوى به وتصرخ كيف ابظهر من شراييني رماها والحزن يعصف بقلبه واخطفت يمناه تقول ارجوك ثم ارجوك تكفى لا تخليني أنا لو رحت مالي في حياتي والهوى مشهاه الا حسبي على اللي غيروا ما بينك وبيني حضنها وشهقت والصق عليها خدَّته وشفاه وحس بجمرة حرا تسلَّل بين ثغريني لقفها وانطفت من حر ما تونس على فرقاه وودّع عقبها روحه وذا شرع المحبيني