لا لا تغلى علي ولا توادعني

تراك غالي وأعرفك حيل تغليني

حرام مثلك ولو لحظة يقاطعني

شفت لهفة الشوق بعيونك تناديني

ياما سمعتك كثير,, ابغاك تسمعني

ما هو من الباب للطاقة تجافيني

وشلون يطري على بالك تضيعني

وانت اللي لاقلت عطني شي تعطيني

السالفة ما هي يعني والا ما يعني

مثلك الى من جرحني جا يداويني

ياهات الاسباب واللي تسمعه عني

والا اترك الليل يرقص بينك وبيني

ترى اللي يجمعك فيني وفيك يجمعني

فوق الخيال اللي يسبح في دواويني

ولع لي الشوق في قلبك وولعني

واطفيك من فيض وجداني وتطفيني

انا تعديت خوفك لا ترجعني

جرح المسافات لا يلحق عناويني

وان كنت ناوي صحيح انك تقاطعني

خذ حبك اللي بقلبي لا تخليني