شيخة حياتي ما بها شك وغيوم

صافي ودادي لك ياروحي عطيته

قربك يسلي خاطرٍ كله هموم

وغيرك من العالم ترى ما بغيته

غيبتك عني ساعة كنها يوم

من شوقي اللي بعدكم ما قويته

في الليل اسلي العين بمطالع نجوم

والا غرامك لحظة ما سليته

تدرين لك بأعيش لو عشت محروم

بيتك بداخل سور قلبي بنيته

مالي ولا لك غير ما كان مقسوم

عسى يتحقق لي مرادٍ رجيته

شيخة حياتي وصلنا جعله يدوم

والقاك حبي اللي بكلي هويته