خوفي من المجهول حطم حياتي

صارت حياتي كلها خوف في خوف

ما ليلةٍ فيها أهتني في مباتي

جسمي نحل عزاه واللون مخطوف

كله سبب بنت هويته لذاتي

ما همّني حاسد ترى قصدنا ولوف

فيها الوفاء فيها جميع الصفاتي

فيها الحنان اللي له القلب مشغوف

يا زينها لا تبمست بالشفاتي

ويا سلهمت بالعين والرمش مصفوف

لو رحت لسكاكا وجيت الفراتي

وكل الخليج لمثلها نادر تشوف

ريم الفلا تفداك كل البناتي

ويفداك كل اللي سكن داخل الجوف

يا غايتي يا سلوتي يا مناتي

حبك بوسط القلب يلوفني لوف

يا من ملكتي بالأمل ذكرياتي

يا شمعة الديره اذا صابها خسوف

يا اللي غزيتي بالغلا كل ذاتي

لو حال دونك ياس او حالت ضروف

امشي على درب الهوى في ثباتي

لو كان دربك بالخطر صار محفوف

إما,, معاك أعيش باقي حياتي

ولا,, اموت اشرف ولا عيشة الخوف