عزي لمن مثلي سهيرٍ ولا نام
اسهر ايلين الصبح أنواره تبين
أسامر أيامٍ مضت مثل الاحلام
ايام كنا في ديارك سعيدين
ودمعات عيني فوق خدي لها وسام
دمعة حزينة تشتكي قسوة البين
مرت سنين العمر عاما ورا عام
ما كن مضى لي في حبكم عدة سنين
صار الورق في غيبتك ويّا الاقلام
وايضا النجوم الساهرة لي رفيقين
يا روح روحي يا بعد كل من لام
يا أغلى من الأيام والروح والعين
حبك قدر مكتوب ملزم إلزام
وشلون ابهرب من قضاء الرب ولوين
قلبي المعنى عن هوى غيركم صام
ما فيه غيرك بالبشر من يسلين
ياما نهاني عنك عاذل ولوام
ناس على فرقا المحبين فرحين
ومهما الليالي فرقتنا والأيام
لا بد يوما نلتقي لو بعد حين
