مجبور أعيش العمر كله بليّاك
وأخفي شعوري بين نفسي وذاتي
من مركب الاحزان خذني لدنياك
اليأس حطم بالغياب أمنياتي
كانك نسيت الود وشلون بنساك
معك ابد ما انسى ابد ذكرياتي
لا لا تظن اني مع الغير بسلاك
الغدر ماهو يا حبيبي صفاتي
كل الوجود أنساه لا صرت وياك
تتصور انك كل شي بحياتي
افرح بذكرك كيف لو صار لقياك
تصفالي الدنيا وتضحك شفاتي
حبك تجسد في حياتي وذكراك
طول العمر باهواك حتى مماتي
حيرتني يا ناحل الخصر وش جاك
اليوم تجهل بالهوى تضحياتي
قدام عينك اشتكي واترجاك
أموت قدامك وبيدك نجاتي
صوتٍ من الوجدان يا زين ناداك
تعال واجمع ما بقى من شتاتي
