* الرس - مكتب الجزيرة - حسين محمد الصيخان
اخي القارئ الكريم اليك بعض الابيات المملوءة بالحكمة لمجموعة من الشعراء والتي يجب على الشخص ان يتمعن في قوة البيت هذا ونتمنى ان هذه الابيات المختارة تنال رضاكم واستحسانكم.
* يقول محمد الأحمد السديري:

من قارب الاجرب بالامراض يعديه عدواه تسطي باللحم والعظامي درب السلامه بينات مماشيه ودرب العطب يرّث عليك اللكامي أبعد وقلبك نازح البعد يشفيه وتلقى عن الدار البغيضة مقامي دارٍ بدار وداعي الذل عاصيه ولاتقبل الذله نفوس الكرامي

* ومن قصيدة آخرى يقول:

بيتك عن الانذال بعد مبانيه وقبلك ذياب الخيل عن ديرته شام وبالك رفيق السو حذرا تباريه ونظف حلالك عن حلال للايتام ولاتلحق المقفي عبار ومشاريه انسه ولا لحقك لومه اليالام ومن لاتحمل زلتك لاتصافيه خله ولو انه لرفقتك عزام وراع الخيانه بالخلا لاتخاويه ماينومن قلبه على الغدر مريام وراع النعامه بينات مواريه تلقاه عند مدور الحكي خدام درب الردي ماشيه والحظ مهفيه اسود ولو ثوبه جديد من الخام

* ويقول الشاعر / سليمان بن شريم:

ربعك الى بان الخلل فيك عافوك اقرب قريب لك من الناس يشناك ان كثر مالك اصدقولك وطاعوك وان قل مابيدك شانت حلاياك لو تطلب الما عندهم كان ما أسقوك أبعد مزارك عن وطنهم ومرباك وان طاب حظك اصدقولك وحبوك وان باربك كل مايبي غير فرقاك

* ويقول الشاعر / عبدالله بن صقيه التميمي:

ترى الذهب من صافي جنيه وريال مايختلف ياديب طيلة زمانه تلقاه وقت الضيق لاضكك الجال الصفر لايغريك زين المعانه بستان غيرك لوبه ألوان واشكال ماتنفع من خوخه وبرد قانه ماينفعك مافيه لو بالثمر مال لاصار بالغدرا جدارة مخانه

* ويقول الشاعر / محمد بن عقيل السويلمي:

اضرب طريق الخير واسلك مسيره ولاتلتفت للناس عوجاة واقداه عمي القلوب وتايهين البصيره عقارب تلدغ ابسمها والافواه خلك مع اللي حط ربه ذخيره وراع المقاصد لاتسمع الفتواه لو طال عمرك عارف وش مصيره ازبن ولي العرش واتعب على ارضاه

* ويقول الشاعر محسن بن ناصر المري:

قوموا بدين الله ورزوا شعاره وأخشوا نهار فيه تخطيف الابصار دنياك مرجعها الفنا والفشارة لاتامن الدنيا ترا الوقت غدار الى صفا ليلك تكدر نهاره من شربها صافي شرب كدر وامرار لابد من قبر وحيش جداره من مات يالمسكين خلي على الدار واليوم انا اوصيكم والحذاره من يوم مامنه محاص ومطيار

* ويقول مرشد سعد البذال:

رجل بلاميز ولو طال له باع يضيع افعاله وبجهله تضييع واحذر تصير لمن وثق فيك خداع ترى اقشر الحالات حال الخداديع الخدع لو راعيه بالزود طماع تراه مثل زراعة مالها ريع من طاب لك بالمد قدم له الصاع ولاتفتخر كانك تعرف المواضيع ترى لو طيبك ورا طيبة اتباع الفضل للاول بكل المشاريع

* ويقول/ غازي بن مهنا الشيباني.

ماطار وقع من مطيره ولو حام والزود مثل النقص ينقص ولو زاد ياماشي بالدرب مسرى ومجهام لابد من عقب المراويح معواد

* ويقول/ راشد الخلاوي:

الشور حق قاله الله للملا وبالشور وصى الله صفوة حبايبه ولاتستشير الاصديق يودك في الله صافي السر مامون عاقبه وترى شور من لايستشيرونه الملا شمعة نهار في ضيا الشمس ذايبه وترى النصايح في البرايا فضايح وكم ناصح اضحى له الناس عايبه وما الخل إلا من ثنى دون خله في الباس والشدات وافدى لصاحبه

* ويقول الشاعر/ عبدالله العلي الحرير - رحمه الله -:

الى بغيت اتحط كلش على البال غديت صقار بساقه هداده تغثك الدنيا ولا أدركت به حال مثل البعير اللي تقلد اشدادة

* ويقول الشاعر/ عبدالله اللويحان:

الشور ماينفع قلوب المهابيل كالزند وان حرك تطاير شراره لو تامره بالعدل يعرض عن الميل يستل على رايه بربح وخساره والطبع ماينزل غيره بتبديل مثل الجدي مرساه ليله نهاره والحنظله لوهي على شاطي النيل زادت مرارتها القديمه مرارة

* وهذه ابيات لمعالي الشيخ سليمان بن تركي السديري يوصي ابنه فيصل علىالامور التي يحب على الرجل اتباعها والاتصاف بها:

أشوف دياني وقف لي على الباب يبي الوفاء مني ويطلب حسابه ماينسى دينن تقفاه طلاب الدين مايوفيه كثر الطلابه يافيصل اودعك توديع من غاب لاتحتريه انه يجي من غيابه غيبة دهر ماهي شهر عد وحساب في مظلم ينهال طرفي ترابه

ثم قال:

عليك بأخوانك وربعك والاقراب حق عليك مواصله للقرابه مابينكم لاينقل الهرج سباب ترى دمار الدار نقل السبابه ومن الرجال الى تخيرت الاصحاب تخير اللي مايبدل جوابه انص الرجال اللي تخيره الانساب كلاً تعوض به يكود النسابه وانشد عن المربى ترى العرق جذاب عرق الردي لابد يجذب اجذابه

* ويقول بركات الشريف حينما كان ينصح ابنه مالك:

اجعل دروب المرجلة من معانيك واحذر تميل عن درجها بمرقاك لاتنسدح عنها وتبغيني اعطيك جميع مايكفيك ماحصل ذاك ادب ولدك ان كان تبغيه يشفيك واستسعفه من بعد مرباه يالاك اما سمج واستسمجك عند شانيك ويعز من فعله صديقك وشرواك والا بعد جهله تراه بياذيك لو زعلت امه لاتخليه يالاك واحذر تضيع كل منهو ذخرفيك معروفه لاتنساه واوفه بعرفاك ترى الصنايع بين الاجواد تشريك اليا طمعت بغرسها لا تعداك

الى ان قال:

واوف الرجال حقوقها قبل تعنيك ولا تعتمد بالقول والحق يقفاك وهرج النميمه والقفا لايجي فيك واياك عرض الغافل اياي واياك واليانويت احذر تعلم بطاريك كم واحد تبغي منه عرف واغواك واحذر شماتة صاحب لك مصافيك اليا جرى لك جاري قال لولاك

* ويقول الشاعر/ علي المفضي:

من طاول الدمعه تكدر شرابه والغت مرارة دمعته كل حالي وافنى عنا دنياه زهرة شبابه لو كان من بين الخلايق مثالي واللي يبي ياقف لوقته يجابه ينهد حيله والزمن مايبالي

* ويقول الشاعر/ عبدالعزيز الحسين:

ان كثر مالك كثروا اهل اللواقه تفرش بدربك من زهور الخمايل وان قل مالك مالقيت الرفاقه اللي على سفرتك صايل وجايل * ويقول/ ناصر العاصم: لازاد مالك فالعرب رحبوا بك واهل النمايم والملاقيف ماشوك من عقب ماهم في المجالس حكوا بك حطوك قاضي بينهم واستشاروك فيما مضى بين الملا سولفوا بك واليوم مع خشمك الى جيت حبوك انت الكريم اليوم والقرم لو بك باي الخساسة ضمن الاجواد نادوك بحاتمٍ عند الكرم شبهوا بك باي الاسامي لو تبي كيف نادوك لو غبت عنهم يوم جيت احتفوا بك يم الوجاد يدففونك ودزوك ماهوب حبن للولي ولعوا بك لو تقصر العادة على الطول ملوك ثم بالحكي باعوا زمان وشروا بك الا ان صبرت وتالي الوقت حنوك

* ويقول/ غازي بن دخيل الله بن عون والتي نختتم بها هذه المختارات في احدى القصائد:

الرفقه اللي مالها اساس ووصول اتلى تلياها تروح بسهولة مثل الذرور اللي على راس غرمول اول مهبٍ يعترض له يزوله والفعل مايطلع على مستوى القول يقول قول مايطبق فعوله والفرق في الافعال ماهوب في الزول والاترى اطيب مامن الثور زوله لو غرهم زوله وحطوه مسئول صاروا مثل راعي الغنم ومخيوله.