** عبدالرحمن ربيع في هذه الابيات رسم خطواته الثابتة في طريق الشعر الحقيقي نأمل ان يستمر في التطلع للافضل,.

يليت العمر يرجع بي ثواني والاقي حبي الاول واشوفه واعاتب لحظة فيها رماني واقول الصح من قلبك حسوفه انا عانيت من قسوة زماني وقلبي تاه باحساسه وخوفه انا ظنيت حبي ما نساني احسب انه ملك نفس عطوفه انا دورت في كل المواني ابي اعرف وش اسباب النكوفه لقيت الحب في كل المعاني كتاب صعب ما افهم حروفه تذكرته الامنه عطاني وعود منه ما هيب مخلوفه والا منه على الميعاد جاني تذوب العين في كامل وصوفه سقيته من نبع حبي حناني واهديته حياتي في كفوفه تمنيته مع الذكرى بكاني ولكن الزمن هذي صروفه صدى حبه تملك في كياني ابسأل عنه هالعالم واطوفه يليت وليت لكن بالاماني سنين الوقت تجبرنا ظروفه