يا قلبها المطعون: يكفيك ما جاك
الله يعينك واحتفظ في وقارك
كان الوفا منهجك والصدق مبداك؟!
خلك عصامي والمروه شعارك
قبل الزمن يكتبك والناس تقراك
ضحكه على الاوراق,, حدد مسارك
قبل الندم يستوطن ادناك واقصاك
ودرب الاماني ينتهي باختيارك
الجرح ما يلفيه: زعلك وارضاك
لا صار ما حققت: رد اعتبارك
ياقلبها,, وان عاند الحظ واشقاك
لابد من تأخذ من الوقت ثأرك
ياقلبها مهما تواجه من اعداك؟!
اصبر وحلمك لا تعجل قرارك
ياقلبها,, قلبي على البعد حياك؟!!
قلته وانا مهزوم: كيف انتصارك؟!
يستاهل الابداع مثلك وشرواك؟!
دام المعاني قدرها من وقارك
