عين تقدي كل شعب الجزيره

ادعوا عساها ما تشوف المضره

كم ابصرن منها عيون ضريره

وكم ساعدت في عطفها كل حره

عين المليك اللي حمى مستجيره

مواقف ما هيب مره ومره

اللي من العدوان خلص قصيره

لله دره ثم لله دره

قام وتنهض يوم عميت مطيره

قال اقدموا ما به عن الوضع فره

والله ما نرضى الخزى والمعيره

دام الفشوم بغيها مستمره

فهد نصير الدين والله نصيره

عن الهدى ما مال مثقال ذره

فهد فهدنا ما يوصف بغيره

عون الضعيف ومن لجاله يسره

فهد فهدنا جعل ربي يجيره

ويالله بعطفك درع الامه تبره

فهد فهدنا بالامور العسيره

كم عايل عنا قطع كل شره

فهد فهدنا والمواقف شهيره

درع الوطن بحره وجوه وبره

يا فخرنا في كل موقع وديره

يا رمزنا اللي فوق,, فوق المجره

يا عزنا يا اللي تقود المسيره

من هيبتك كل نعم في مقره

خذ العيون اللي بشوفك بصيره

وخذ القلوب اللي بكم مستقره

خذ ما تبي نفداك جمع وعشيره

خذنا وفاخذنا شموخ ومبره

مولاي تفداك الجموع الغفيره

هذا عهد ما هي سوالف مغره