* هي حروف حاولت من خلالها تجسيد صدق المشاعر تجاه قائد الأمة,, وباني النهضة مولاي خادم الحرمين الشريفين أيده الله بنصره.
وهي مشاعر كل أبناء الوطن الغالي بل والأمتين العربية والاسلامية,,فقلت:

لا باس ياصفوة ملوك العرب,, لا باس,, لا باس يا نبض كل القلوب وياذرى الدار وسعدها يقولها شعبك اللي عنه تعرف صدق الاحساس ومن بعده الامة اللي ملتجاها أنت وسندها كل أمة الضاد يامولاي تدعي خالق الناس يحفظ بحفظه بلاد العز,, ويعافي فهدها فهد العرب,, سيّد ملوك الزمن من كل الاجناس شيخٍ جهوده لعز الدين والأمة حشدها كم مشكلٍ كايدٍ حله,, ومتعقّد وحساس حله,, وهو كايدٍ حل العقود إلى عقدها ياما اكثر الروس لكن مايميّز راس عن راس الا المواقف الى هزّت كيان اللي شهدها حكمٍ بحد الحدب,, ماهو مثل حكمٍ بقرطاس ومن ورثه المجد,, ماخلا طويله ماصعدها ياوارث المجد,, ومجدد صروحٍ منه دراس وباني جديد الصروح اللي ما احد يحصي عددها افعالك البيض للي يطلبون المجد نبراس وغبون حسادك الهرج المزيّف مابردها غطتهم افضالك اللي ماتحدّ بحدّ وقياس ومن لاعرف كيف يجزى نعمة المنعم جحدها لكن على قول الأول قوة المبنى من الساس واللي بلا ساس زايد طولها يدني هددها ياقدوة اللي لعز الدين والبيتين حراس وملاذ الأمة الى من مدت الاحداث يدها ياليتها بالخيار وعنك ناخذ كل الاوناس شوفتك سالم وغانم مالناشفٍ بعدها قبل الشفاه القلوب تقول يامولاي لاباس الله يديمك لها,, ويدوم بوجودك سعدها