ألا ليت الفرح يوم الفرح وزع على الأيام

والاليت المشاعر من بعد حبك بها خونه

والا ياليتني ياليتني طير بحزنه حام

يفرج من همومه الطاير ويكفخ من حزونه

والا ياوجد روحي يا بعد روحي منين آنام

وانا في كل يوم افقد هواوي مفتقد لونه

وانا بك مهتويه ومبتليه وفيك ما أللام

وما ألوم اللي يحومن حولك ولكني مفتونة

أعيش بحرقة جروحي ويم الجرح كنه عام

ولي سنتين وجروحي خطيرة ومابها عونه

وعلى ما جت جروحك عشتها ولو مرّت الأعوام

ولكن في النهاية اشوفكم ولا اموت محزونه

حزانا يابعد روحي حزانا والأمل قدام

ولاندري وش المكتوب ليت الخير مكنونه

وانا من راس جسمي الواهنه لين اوصل الأقدام

بلايه من غلايه واحتراق الجوف ومادونه

وبعد من مهجتي خطيت حبر الدم والأقلام

الين اصفر وجهي من همومي وكني ليمونه

اسيرة ليل من بعد الدجى لين الصباح آلام

حبوس الليل ليليه عيوني فيها مسجونه

صبرنا الألم قاسي,, صبرنا والأمل مانام

وقدام الفرح قدام جعل عيوني يفدونه