ياعيد عيدك مبارك فالمساء والصبوح

ومن يوصفك هم وغم,, نفسه ظلم

للعيد فرحه ولا للعيد بالقلب نوح

وللعيد بسمه لمن هداه رب الأمم

وللعيد وصفٍ يشابه للمطر بالسفوح

وإلا يشابه لشلالٍ نزل من قمم

والعيد واجب علينا نكرمه بالفروح

العيد عيدٍ على اسمه,, حي ابو ها الإسم

فيه البشر يفتح الصفحات بيضا تلوحٍ

وينظف اللي علق, وبليس فيها انكتم

الله اللي كتب للناس صلح وسموح

والعيد يمسح جميع اللي نشب باللحم

والهم والبغض حذراء ريحته لاتفوح

واللي وراء الناس يمشي مقتفيه الشتم

ومن سمع له كلامٍ طايشٍ لايبوح

أ حيان يأتيك هرجٍ مثل روث الغنم

ومعايد الأقربين أولى من اللي نزوح

والكل عالم ولايجهله ذرة علم

وفرحة العيد لو ترسم على كل لوح

ما ظنتي تلحق الأ فراح ريشه قلم

والختم صلوا على من دعوته بالوضوح

محمد اللي رسولٍ للعرب والعجم

اعدادٍ طيرٍ يحلق فوق عال السطوح

وعداد من زار مكه قاصدٍ للحرم