انت كل ارتياحي يانسيم الغروب
ردت الروح يوم انعشت وجدانها
يارسول الشمال ويارسول الجنوب
خير اللي كتبت الشعر من شانها
قلها ياسحابه اقتفتها الهبوب
بعدك الدار يبست كبد عطشانها
والله ان الجفا والبعد بعد القلوب
ماهو بعد انتحاي الناس بوطانها
وجه راع الموده مسفهلا طروب
يبتسم للحياة وتضحك الوانها
ابتسامه بريه ماعليها ذنوب
الحلا في براءتها ورضوانها
لو تقوم القيامه في جبين الشحوب
هقوته تنثني من دون بيبانها
