هذه القصيدة بمناسبة حصول ناشئي الشباب على بطولة المملكة وكذلك صعود شباب الشباب الى الدوري الممتاز فهذه تهنئة للبطلين على انجازهما الكبير واشكر المسئولين عن هذين البطلين وعلى رأسهم سمو الامير خالد بن سعد واتمنى دوام التوفيق للجميع.

يا مرحبا بابطالنا قلناه قلته واقوله لاجل الابطالي اللي دروب المجد هي مسعاه وتحققت والكل يهتالي كاس الذهب والمملكة خذناه وعن ناشئين الليث ما حالي بالفن والتكتيك ماخلاه هذا البطل درب الشرف نالي والدوري الممتاز يامحلاه جو له شباب الليث ورجالي شبابنا هذا الفخر ينصاه ولا هو على الابطال بمحالي وكبارنا مسيرهم تلقاه على الذهب والكل خيالي يزين ليث العزمي ممشاه انشهد انه مضرب امثالي ليث السعد مسكين من لاقاه هذا البطل ماهوب ينطالي حطم خصومه ثم جاب مناه ومن صار ضده شاف الاهوالي هذا الشباب اللي على مسماه على خصومه صار زلزالي خلفه رجال غرزوا ومبناه ياما سعوا لليث باموالي هذا ولد سلطان يامغلاه ياما يمده دوم باموالي وعبد الرحمن القرم ماننساه ساس الكرم ماقصر الغالي وأبو عبد الله ماذخر ببناه مع البطل في كل الاحوالي مع ليثنا ياما بذل واعطاه وياما من اجله يسهر ليالي وادارة مع البطل ترعاه دايم معه وتشيل الاحمالي وجمهوره اللي دايم يهواه مع البطل روحات واقبالي وهذي الرياضة فضلها شفناه بقيادة الفيصل ومد هالي ومعه عضيده ماشي بخطاه ماقصروا ذربين الافعالي والف التهاني قلتها مهداه لابطالنا اللي دوم بالعالي