وبيني وبينكم انا والله مبسوط حيل من هذه الصناعة عارفين ليه؟! بس عشان انها وطنية 100% سواءً من الوسطاء للكوادر ونهاية بالجمهور العطشان يا عمري,, وعقبال ما تتوطن كل الصناعات ان شاء الله,, أووه طلعت بالمرة اليوم عن موضوع الزحمة بس عاد الشكوى لله وهذه عادة ما ظنيت اني باتخلص منها الله يعينكم وبس!! المهم صدقوني هيمة قال حكمة امس وهي انه كون عامر سبحان الله، وكل مسخر لما خلق له,, واكيد ان صروف حياة اليوم لا حصر لها,, التزامات متزايدة وارتباطات ما لها أول ولا آخر واعباء يومية ما تنتهي سواءً في رمضان او غيره,, والناس صحيح كل عايش همه بس لما تصادف مناسبات جماعية السلوك تبدو الزحمة في عيوننا اكثر وأكبر ويمكن مزعجة كمان لسبب بسيط انه يتداخل العام والمشترك مع الخاص والخاص جداً وما احد يقدر يميز الاشياء,, طبعاً احنا في رمضان وزحمة الاشياء اربكت صاحبكم الكاتب المسكين ايضاً,, ويعلم الله اني ما ادري ويش اللي طرى على بالي - وهذه غير الجزيرة الحلوة في اندونيسيا بس للاحاطة - امس واليوم اسولف في موضوع مثل هذا ما له راس ولا رجلين,, صدقوني الزحمة فعلاً وعبد العزيز المنصور اللي يسوق فيني بعصا وين المقالات يا طويرقي,, والشكوى لله وبس,,
عبد الله الطويرقي
